Hafanu > Newyddion diweddaraf > Newyddion a Datganiad i'r wasg

Ymunwch â ni yng ngŵyl gerdded newydd Llwybr Arfordir Cymru

Rydym ni’n cydweithio â Ramblers Cymru er mwyn cynnal gŵyl rad ac am ddim i ddathlu Llwybr Arfordir Cymru

Gan mai 2019 yw Blwyddyn Darganfod Cymru, a chan ei bod hi’n ben-blwydd ar y llwybr yn saith oed eleni, rydym ni’n credu ei bod hi’n bryd i ni ddathlu ychydig!

40 taith newydd, un ŵyl

Mae gennym ni raglen gyffrous o deithiau cerdded a gweithgareddau i’w cynnal yn saith o leoliadau mwyaf poblogaidd Llwybr yr Arfordir, a hynny dros gyfnod o saith diwrnod rhwng y 4ydd a’r 19eg o Fai, 2019.

Bydd nifer o deithiau cerdded yn y lleoliadau hyn ar y dyddiadau canlynol:

4 Mai yn y Gogarth, Llandudno (penwythnos Gwyl y Banc)
5, 7, 10 Mai ar Ynys Môn
6 Mai ym Mhorthmadog, Gwynedd
11 Mai yng Nghwmtydu, Ceredigion
12 Mai yn Saundersfoot, Sir Benfro
18 Mai ym Mhorth Tywyn, Sir Gaerfyrddin
19 Mai yn Llanilltud Fawr, Bro Morgannwg

Gyda dros 40 o deithiau tywys, a digonedd o weithgareddau fel glanhau traethau a chasglu bwyd gwyllt, bydd rhywbeth yn siŵr o’ch ysbrydoli i wisgo’ch esgidiau cerdded. Bydd y rhaglen yn cynnwys digwyddiadau sy’n addas ar gyfer ystod eang o alluoedd gwahanol- boed yn gerddwr brwd neu’n deulu ifanc. Rydym ni’n awyddus i bawb ymuno â ni er mwyn darganfod rhan fach o’u Llwybr Arfordir.

Mae’n swnio’n wych! Sut mae mynd ati i gofrestru?

Lawrlwythwch ein rhaglen gŵyl gerdded fel y gallwch weld yn sydyn pa deithiau cerdded i archebu eich lle arnynt.

Mae llwyth o wybodaeth ddefnyddiol i’w gael ar wefan EventBrite Gŵyl Gerdded Llwybr Arfordir Cymru, gan gynnwys lleoliadau a hyd y teithiau cerdded, er mwyn eich helpu i ddewis yr un sy’n gywir i chi. Does ond angen dewis pa daith yr ydych am ei cherdded ac yna archebu eich lle gan ddefnyddio’r wefan.

Nodwch fod y rhan fwyaf o’r teithiau am ddim, ond bydd ffi ychwanegol ar gyfer teithiau llinol pan fydd angen eich cludo o un man i’r llall.

Angen cymorth i gynllunio?

Mae digon o wybodaeth ar ein tudalen Cynllunio Eich Ymweliad gan gynnwys cysylltiadau trafnidiaeth gyhoeddus a map rhyngweithiol o lwybr yr arfordir.

Beth nesaf? Dywedwch wrth bawb!

Rhannwch y dudalen hon gyda’ch ffrindiau a’ch teulu gan ddefnyddio’r cyfryngau cymdeithasol
Dilynwch @walescoastpath er mwyn derbyn y newyddion diweddaraf ar ein sianeli cyfryngau cymdeithasol
Defnyddiwch yr hashtag #CerddedGydanGilydd er mwyn cyrraedd rhagor o bobl.

Diolch i’r holl bartneriaid sydd wedi bod yn rhan o’r ŵyl hon, gan gynnwys:

Mae’r prosiect wedi derbyn cyllid gan y Gronfa Ymgysylltu Twristiaeth Rhanbarthol (CYTRh) sy’n derbyn cefnogaeth gan Cymunedau Gwledig Llywodraeth Cymru – Rhaglen Ddatblygu Gwledig 2014-2020, sy’n cael ei hariannu gan Gronfa Amaeth Cymru ar gyfer Datblygiad Gwledig (CACagDG) a Chronfa Llywodraeth Cymru er mwyn gwella profiad ymwelwyr a chreu cyrchfanau cryfach drwy gydweithio.